O Felo I

A Manuel Garrido Silva

Son seis que baten contra os cadrís

Seis chocas que pesan con todo o seu peso

Mazan para marcaren a cadencia

Nos prados nos sendeiros

Do Val de Maceda

Tres machos e tres femias

Por cada andador encaretado

Unha curiosa paridade para un ritmo desenfreado

O rito doutra idade

O anuncio feito ás aldeas

De que chegan os Felos

“O FELO” de Alain Jégou (poète français, 7-10-1948 Larmor-Plage; 6-5-2013)

Tradución de Emilio Araúxo.

Ed. Amastra-N-gallar. Santiago de Compostela, 2007. páx 7. Edición non venal.

´