Para rematar faremos mención ao nome dalgúns grupos: “Romasanta”, grupo
metalero suramericano nacido no 2005, o seu nome parece ser pura coincidencia
co noso protagonista.
O nome do grupo que si se inspira en Manuel Blanco Romasanta é o de
“Lobishome”, grupo pontevedrés, concretamente de Montalvo, que existiu entre
2010 e 2015 e que practicaba según eles mesmos “un garaxe punk surf bastardo”.
Publicaron un longa duración “Los seres extraños que habitan tu mente” (2012) e
dous de corta duración: “Fobias, complejos, historias y huesos” (2013) e “Lobis
Mullet” (2013) disco que unía colaboracións de dous grupos bizarros: Mullet e
Lobishome.
“Realmente no son
hombres lobo, aunque lo parezcan cuando desenfundan sus instrumentos. Ellos se
definen como un power trío muy macarra, medio
lobos, medio perros. Palleiráns de pura raza gallega con arrebatos de
esquizofrenia repentina, que nos llevan a emitir una especie de gritos y
ladridos desde lo más profundo de nuestro animalismo. Tenemos un comportamiento
y una actitud dignos del propio Romasanta”.
lafonoteca.net
En clave humorística relacionada co personaxe do “sacaúntos” lembramos un
dos temas míticos da programación infantil da Televisión de Galicia de finais
do século XX, o Xabarín Club, do grupo Berrogüetto, onde o “sacaúntos” formaba
parte da dieta dos rapaces máis gordechos.
Finalmente mencionar que nas festas de Esgos desde hai unha chea de anos
celebran un festival rock que ultimamente pasou a denominarse Festival Rock
“Home do Unto”. É que o noso personaxe está máis vivo que nunca.
