O cine é todo mentira

"Puxen a directa e xa estaba diante do cine Dúplex. Lembreime do pescantín e da súa cinefobia particular. "O cine é todo mentira". Tiña en mente atravesar a Praza da Concepción Arenal pola parte dos Salesianos e chegar á casa facendo o percorrido que vai do Pavillón dos Remedios á rúa do Greco, mais tiven que desistir da idea porque a Vangarda Popular tiña montada unha boa festa. Ardían colectores no medio e medio do remate de Sáenz Díaz, e os rapaces máis atravesados guindaban cócteles molotov contra o Pazo de Xustiza."

Diego Ameixeira, O cidadán do mes. Ed. Xerais, 2006, páx. 38.

É todo mentira...

"-Ou sexa, que a vostede tampouco lle gusta o Centro Comercial, ¿non si?

-Non me foda. A ver que carallo van meter aí dentro - rebelouse.

-Pois tendas de roupa, bares...

-Merda, merda e máis merda -interrompeu moi alporizado.

-Élle o progreso, compañeiro. O século XXI. Seica van facer unhas salas de cine caralludas. ¿A vostede non lle gusta o cine?

-Non. É todo mentira, unha montaxe. Xa me dirá vostede que graza lle atopa a meterse nunha sala escura e que lle conten mentiras que custan cartos.

-A min gústame. (...)

-Mire, déixeme tranquilo -dixo por fin-. A vostede gústalle o cine e a min non, así que cada can lamba a súa caralla, ¿de acordo?"

Diego Ameixeira, O cidadán do mes. Ed. Xerais, 2006, páx. 30/31.

Equívoco e presencia tamén de Bogart no ano trinta e dous en Serenou

¡A querida!

qué rúas tan exactas...

Aquí os cadavres son

                                                      o que aparentan

Guede, Manuel. Contra Serenou. Ed. Sotelo Blanco, 1985, páx. 87.

"Luarada" (2020)

Proxecto inicial consitente nunha curtametraxe que se grabou neste mes de marzo de 2020 polas terras de Esgos e que, en principio, será estreada no vindeiro OUFF (Ourense Film Festival) alá polo mes de setembro.

Dirección: Óscar Doviso. Actores: Marcos Vázquez, Helen Bertels, Patxi Bisquert, Héctor Martínez, Candela López, José Manuel Mao y Lucía Rodríguez.

"Manuela Romasanta". (2019)

 

Dirección: Roberto Oliveira. Guión: Isabel Blanco. 2019. Protagonizada por: Irene Silva (Manuela Romasanta), Noa Vigo (Petra), Silvia Penas (voz de Romasanta). Duración: 17m. Estreada no Museo Marco de Vigo o 25 de xaneiro de 2019. 

Suxerinte e poética curta que se inspira no traballo fotográfico de Laia Abril, apoiado nun texto cun poder lírico inmenso e unhas imaxes, tinguidas de branco, negro e vermello, que adentran ao espectador no mundo sensorial das protagonistas: o que escoitan, o que ven -eses camiños solitarios, esas paisaxes case salvaxes, esa cociña-laboratorio-, o que senten... Combinación de espazos abertos e pechados que amosan ese dobre drama da muller que se transforma en loba e asasina, e da muller que sente unha poderosa atracción por unha feminidade perdida, castrada, e pola inocencia infantil, e pola graxa humana. A música e a respiración subliñan en cada momento a intensidade emocional e sensorial de cada plano.

Trailer.

"Lenda negra" (2017)

Dirección: Elisa Celda, Claudia Gracia, Mario Sanz e Óscar Vicentelli. España, 2017. Duración: 38m.

 Fotografía: Sara Gallego. Montaxe: Chiayu Lin. Son: Angie He. Xénero: curtametraxe documental. 

Á procura da lenda de Manuel Blanco Romasanta, o home lobo, da man de catro novos cineastas que repiten a súa ruta vital nun recorrido nocturno polos pobos e os bosques galegos. Miran no invisible, aí onde perdura o paso do tempo, na noite actual, buscando un fantasma pasado e perdido. Foi estreada no festival Play-Doc de Tui.

Pode verse AQUÍ.

Trailer.

Artigo na Regiónsobre a curta.

Xuízo a Romasanta. (2011)

Recreación dramática do xuízo celebrado contra Romasanta, grabada baixo a dirección de José Luis Quintana, e interpretada polos veciños de Allariz, sobre un texto de Antonio Roma e Mª Luz Carreiras, foi estreada o 31 de novembro de 2011 nas primeiras xornadas sobre Romasanta organizadas en Allariz pola Fundación Vicente Risco. Grabada pola Televisión de Galicia. Duración 60m.

Pódese ver completo neste enlace.

Leer máis.