"Una pérdida de tiempo"

 "Después calentó un poco de café y se sentó al brasero de la camilla del cuarto de estar, una habitación blanca cuya cal iba desapareciendo por capas, mostrando las heridas del tiempo; una foto en blanco y negro de Amelia colgaba de la parede y en una repisa dormían los veinta o treinta libros que había leído a lo largo de su vida, "una pérdida de tiempo como otra cualquiera".

José María Pérez Álvarez, Las estaciones de la muerte. Duen de Bux, Ourense, 2008. Pág. 14.

Nun charco de ras

"Na comisaría andaban por aire. Á primeira hora da mañá encontraran os veciños de Velle o cadáver dun descoñecido. Nun charco de ras como Ourense dúas mortes son andacio.  Comentábanse os datos das autopsias. Signos de esgano en Elina, o corpo unha pura mazadela, e restos de seme. (...) As emisoras armaban expolio coa onda de crimes. A noticia chegara a un bufete de Galerías Roma, onde a secretaria do titular sufrira un baixón de tensión. (...)

  No túnel das galerías había un monte de negocios ruinosos, inclusive din cunha librería.(...)

  Metín as mans nos petos, avergonzado das miñas unllas, semellantes ás dun mulo sen ferrar, e ponderei os adiantos da perruquería auriense."

Bieito Iglesias, "O que enganan as iguanas" en  miss Ourense, ed. Galaxia, Vigo, 1994, páx.137-138

Indronath, livreiro bengalí

Bengala é o estado indiano com maior nível cultural, e a sua capital Kolkata a mais culta da Índia. O apreço polas artes e polos livros neste estado é muito elevado. Tanto que, na feira do livro da capital, hai filas nas casetas para comprar livros e os jornais esgotam-se sempre já a meio-dia. Bengala é também o território que deu à Índia os vultos mais importantes: Rammohon Ray, Vidyasagor, Bonkim Chondro Chottopadhyay, Sukumar Ray, Sotyoyit Ray e, especialmente, o grande Robindronath Tagore. Em Kolkata é um verdadeiro prazer percorrer a rua College Street, arredor da Universidade, cheia de gentes, livros e livrarias. Por isso, nom nos surpreende que a renascença cultural na Índia tivesse início aquí, em Bengala, antes da injusta partiçom feita polos ingleses em 1905, utilizando a antiga tese romana de ’divide e vencerás’, que tanto padecemos os galegos também. Porque aqui estivo a vanguarda que luitou pola independência da Índia do Império britanico.

  

Entre os livreiros mais importantes de Bengala está Indronath Moiumdar. Por sorte para nós, contamos desde o 2001 com a sua amizade e com a do seu irmao Bimol. Os seus conhecimentos bibliograficos som impressionantes. Especialmente sobre o publicado em bangla e inglês, neste estado e na Bengala Oriental. Sobre bibliografia tagoreana sabe tanto, que todos acodem a ele para se informarem. Professores, estudantes, crianças, amantes da leitura... E nós mesmos para procurar livros de Tagore e sobre Tagore. Ele é quem nos fornece de livros para a nossa excepcional biblioteca de Ourense dedicada ao bate Bengali.

Un diccionario

"Merquei un diccionario de alemán na librería Tanco, pequeniño porque tiña pensado tasar as falas, e despois guiei o coche cara a outra banda do río. Razóns tiña para temer o rebumbio da viaxe. (...)

  Marchei só á estación e alí, na sala de espera, puiden reflexionar un chisco na encomenda que tiña por diante. Contaba coa descrión que me fixera o Barros para identificar ó correo.  Estaba impaciente por botarlle un vistazo antes de subir ó tren, evitando así un recoñecemento xeral dos vagóns que puidese alarmalo. En lugar de pasear todo o longo da plataforma, situieme ó pé dos retretes cun exemplar do Caso..."

Bieito Iglesias, "Miss Ourense" en  miss Ourense, ed. Galaxia, Vigo, 1994, páx.61