Aquel mundo de tierra con árboles solitarios

"Desde la Plaza del Hierro se llegó hasta la de las Mercedes a través de la escalinata de piedra, dudó buscando el número 18 de aquel mundo de tierra con árboles solitarios que semejaban permanecer enclavados en el invierno pese a que agosto caminaba aún firme cara al hermoso otoño de todos los años; subió al primer piso y llamó al timbre."

José María Pérez Álvarez, Las estaciones de la muerte. Duen de Bux, Ourense, 2008. Pág.111.

Una llaga abierta por el sol

 "En una droguería de la Plaza del Hierro adquirió el herbicida que estragaría la precaria salud de López. Paseando por la calle de los Hornos se encontró con Rosa.

-Buenos días, don Eusebio.

-Buenos días, Rosa.

No deseaba aquel tropiezo pero la mujer estaba dispuesta a narrarle la pesadez de los treinta y tres grados, lo fresquitas que eran las mañanas y el gusto que daba caminar temprano por los parques, cuando ya el día era una llaga abierta pero el sol aún no descolgaba sus latigazos sobre las espaldas de los habitantes."

José María Pérez Álvarez, Las estaciones de la muerte. Duen de Bux, Ourense, 2008. Pág.84.

Os aplausos

  "Na Praza Maior xa non collía ninguén. Había moitas ganas de festa, pero a celebración tiña un carácter solemne que desautorizaba as mostras de xúbilo. (...)

Fíxenme un sitio entre as terrazas e dispúxenme a contemplar o espectáculo ao que Miss Chispatown non me convidara. (...)

Os aplausos atronaron na praza. As autoridades que ocupaban as cadeiras das primeiras filas puxéronse en pé e o alcalde, acompañado de toda a corporación, subiu ao escenario para entregarlle unha placa conmemorativa ao flamante presidente. Miss Chispatown batía as mans dende unha posición discreta. (...)

 Uns minutos máis tarde comprobei que na Praza do Ferro a Garda Militar cargaba contra medio centenar de militantes de Vangarda Popular."

Diego Ameixeiras, O cidadán do mes.  Ed. Xerais, 2006. Páx. 204-206.

Cidade de morros

"Os meus ronquidos escoitábanse en Cachamuíña.

Espertei co lombo adoecido, feito un zipizape de contracturas rabiosas. Tiña os músculos endurecidos coma coios e durmíanseme as mans se tentaba corrixir a rixidez das articulacións. (...)

A cidade enteira estaba de morros e a Praza do Ferro, ateigada de leiteiras da Garda Militar. "¡GIA asasinos, GIA asasinos!", berraba a veciñanza dende os balcóns."

 Diego Ameixeira, O cidadán do mes. Ed. Xerais, 2006, páx. 56. 

Puta que os fixo

 "-Puta que os fixo.

-¿Que pasou? -preguntei.

-Un pallaso do GIA acaba de matar un garda militar de vinte anos na Praza do Ferro. Catro tiros polas costas. A nai está no Cristal-Piñor cun ataque de pánico. ¿Onde carallo puxen as chaves do coche."

Diego Ameixeira, O cidadán do mes. Ed. Xerais, 2006, páx. 54. 

O mesmo optimismo

"Despois xa non o volveu ver ata finais de setembro. Por Ana Montenegro soubo que estaba en Sabucedo. Entón apareceu a súa primeira colaboración no periódico. Desprendíase dela o mesmo optimismo que se podía deducir do ton que empregaba naquela conversa informal na Praza do Ferro. Anunciaba o que ían ser aqueles artigos, que pretendía estivesen tenguidos do mesmo espírito que se empezaba a respirar no país."

Carlos Casares, Deus sentado nun sillón azul. Ed. Galaxia, colección literaria, nº 138. 1ª edición, Vigo, 1996. Páx. 230.

Diante da botica

"Sabía del polos periódicos, pero pasou cerca dun ano antes de que o volvera ver en persoa. Sucedeu un sábado pola tarde, cando ela regresaba de visitar a Ana Montenegro na súa casa da rúa da Paz. Ó chegar á Praza do Ferro, parados diante da botica de Temes, estaba un grupo de homes, entrer eles o fiscal da audicencia e dous coengos. Tardou en darse conta de que era el quen ocupaba o centro da reunión."

Carlos Casares, Deus sentado nun sillón azul. Ed. Galaxia, colección literaria, nº 138. 1ª edición, Vigo, 1996. Páx. 230.

O sangue nas veas da cidade

"Desta banda do río non se apreciaban os estragos da festa da víspora, nin había o ambiente dos preparativos para a celebración do segundo día, en realidade unha semana enteira, que afanaban ós veciños dos barrios do Norte. Aquí transcorría unha xornada laborable normal, co trafego dos repartidores de mercadorías, o escrutinio dos escaparates polas amas de casa, e a sombra dos guindastros da consturucción proxectándose nas rúas.

  A Academia Criado estaba en Santo Domingo, chegando xa á Praza do Ferro. Demoreime un pedazo pasmando entre os transeuntes, disfrutando co espectáculo das xentes laboriosas, que aproveitaban o impulso mañanceiro para facer circular o sangue nas veas da cidade."

Bieito Iglesias, "Miss Ourense" en  miss Ourense, ed. Galaxia, Vigo, 1994, páx.49

Bullotes asados

 

"Na Praza do Ferro cheiraba a bullotes asados. O Andrés desmontaba o telderete despois do show. Parei na Vereda e no Montecarlo para tomarlle uns viñocos, manducar uns roxóns e ler a prensa do día, que anunicaba máis manifestacións polas dúas bandas. Varios políticos de Santiago tiñan previsto "chegar á cidade nas vindeiras horas para participar nunha multitudinaria concentración"."

Diego Ameixeiras, Baixo mínimos, ed. Xerais, xuño, 2004, páx.63

Repenicar cos pés no cú

"Dei media volta e resgardeime nos soportais da Praza do Ferro. Os avogados desdebuxábanse ao fondo da rúa baixo os paraugas, e pareceume ver que subían pola Avenida de Bos Aires. Tocaba repenicar cos pés no cú.

  Cheguei moi rebentadiño, a piques de necesitar respiración asistida. Comprendín que agatuñar ás carreiras dende o Parque das Mercedes ata a Rúa San Francisco está contraindicado para o fumador medio."

Diego Ameixeiras, Baixo mínimos, ed. Xerais, xuño, 2004, páx. 35

Viños e tapas a eito

"Aparquei fronte ao cemiterio de San Francisco e dende alí baixamos ata a Praza do Ferro. Nas tascas, todo quisque daba conta de viños e tapas a eito, quizais coa escusa de agardar unha tregua da choiva. Apuramos o paso e baixamos pola Rúa San Miguel ata chegar ao lugar de reunión dos nosos comensais."

Diego Ameixeiras, Baixo mínimos, ed. Xerais, xuño, 2004, páx. 32

Ôs lexítimos graxos

 Heraclio Pérez Placer, "O Xeneral", en Contos da terriña,  Biblioteca Gallega, Andrés Martínez Editor, A Coruña, 1895, páx. 129.