“Entrevista ao Sacaúntos na Estación das ánimas” de Fernando Méndez.

Diálogo no Purgatorio entre un rapazolo ladrón asasinado recentemente e Blanco Romasanta, que mentres esperan a decisión final sobre o seu destino –ceo ou inferno- dialogan sobre a condición de ladrón e asasino, e outros asuntos, divinos e terreais.

“Pois ben, como dicía, estando eu aboiando nun mar de dúbidas, por mor do meu recente falecemento  –viña de morrer a mans do dono dunha casa que estaba a roubar en Allariz-, resulta que me atopei co Sacaúntos. (...)  Enfurruñado e turbado andaba eu a causa da miña recente morte cando o Sacaúntos se me achegou con ganas de conversar. Xa segundo o vin espeteille un “Ola, don Manuel!”, pois daquela, el era un tipo moi coñecido non só en Allariz, senón en toda España e tamén noutros países.” Fernando Méndez. “Entrevista ao Sacaúntos na Estación das ánimas”. En V.V.A.A. Contos do Sacaúntos. Romasanta, o criminal. Urco editora. 2016. Páxs. 101-102.