Diagnóstico xudicial (II)

Repasemos brevemente algúns detalles do proceso xudicial:

·         Romasanta declárase culpable de xeito espontáneo, sen ningún tipo de coacción ou tortura. Isto, nin daquela, nin agora, é motivo suficiente para acusar a ninguén. Nas distintas declaracións que realiza coinciden os feitos esenciais. Ademais dá sempre bastantes detalles. Só manifesta algunha imprecisión como a orixe dos seus compañeiros lobos de andanzas, ás veces eran de Castela, outras valencianos.

·         O fiscal Luciano de La Bastida atopa elementos comúns entre todas as vítimas polo que o leva a ter claro o motivo dos crimes, como antes mencionamos: membros de dúas familias; pobres, sen estudos; mulleres solteiras ou divorciadas; venden o pouco que teñen a Romasanta, sen quedar claro que cobrasen; ofrécelles un futuro mellor; inclúe aos fillos para que non puideran estrañar aos seus proxenitores.