Un señorito ourensán

"Chega de Ourense, no ano 1892, Aurelio, vinculeiro dos Andrada, un señorito ourensán. Escoitara comentar que neses lugares de América os homes facíanse ricos decontado. El é un fidalgo pobre. Ten escudos, brasóns e un pazo, e pouco diñeiro para mantelos.

 Emigra despois de morrerlle a nai. O pai falecera había poucos anos. De cirrose. A fidalga pouco resistiu despois da morte do marido, e non por saudade.

 O pai de Aurelio, don Alfredo, da casa dos Andrada, conservou sempre a fachenda  da fidalguía."

Mª Xosé Queizán, A boneca de Blanco Amor, ed. Galaxia, Vigo, 2014, páx. 53