Tamén tratei con Vicente

“Queres saber que eu coñecín a don Álvaro? Era un home moi sabio, tiña unha cabeza... E tamén tratei con Vicente Risco, que era de pola miña zona. Don Vicente publicou un relato, alá polos anos 20, baseado nunha historia que lle contei eu. Era unha fantasía, unha das moitas que se me ocorren. Como paso tanto tempo viaxando en soidade... A todo isto non sei  se saberás quen foi Vicente Risco, nin Álvaro Cunqueiro... Estudaríalos no colexio; mais non tes pinta de teres atendido moito.”

Lourenzo González, Manuel. “Asando unha pita” en V.V.A.A. Contos do sacaúntos. Romasanta o vagabundo. Dr.Alveiros, da Fundación Vicente Risco. 2019. Páx. 90-91.