Derivacións literarias: O lobo da xente. Vicente Risco.

O lobo da xente. Vicente Risco. Publicado na Revista Lar (nº 10, 1925)

Relato de Vicente Risco publicado en 1925 na revista Lar no seu número 10, conxuntamente co relato “A trabe de ouro e a trabe de alquitrán”.

Revista Lar.

En 1972 a editorial Galaxia publicou o relato nunha edición da súa obra O porco de pé, con ilustracións de Xohán Ledo. 

Edición de 1972.

Tamén se publicou no ano 1989 nesta mesma editorial formando parte da Antoloxía do conto popular galego do século XX, nas páxinas 33-43.

Antoloxía do conto popular.

No ano 2004 aparece no segundo tomo das obras completas de Vicente Risco, tamén en Galaxia, baixo o título “Trabe de ouro e outros contos”. 

Obras completas de Risco

No 2014 a Fundación Vicente Risco fixo unha edición especial, na que se inclúen páxinas do manuscrito orixinal. Podes consultar esta edición no seguinte enlace.

Edición 2014.

No ano 2009 Xosé Manuel Rodríguez “Moxom” fixo unha adaptación á banda deseñada.

Banda Deseñada de Moxom

O relato está influenciado polas lendas populares de lobishomes.  Lembrar que catro anos máis tarde de dalo a coñecer Vicente Risco, en 1929, lerá o seu traballo: “Un caso de lycantropía, Manuel Blanco Romasanta” no seu ingreso na Real Academia Galega da lingua.

O relato sitúase preto de Trives, e alí, a Ánxel apareceráselle un lobo na casa que sufrirá unha metamorfose. Recolle a tradición de que se podía rematar coa maldición de converter a alguén en lobo tras queimar a súa pel. Tamén aparece xa a presenza da “lobismuller”.