A imaxinación é un músculo, seica

"Doíanme os cadrís de estar moito tempo deitado, mais fixen o esforzo sabedor da refrescante recompensa que me agardaba. A imaxinación é un músculo, seica. Ás constantes secuencias tórridas de mulleres libertinas que imaxinaba a granel por Oira adiante, tiña que engadir agora a instantánea real de Miss Canícula enfundada nunha espesa película de Coppertone. A loura con carne de vicios caros só levaba enriba un conciso tanga de cor negra perfilándolle a regañeta. O resto era carne do país, pública e de calidade."

Diego Ameixeira, O cidadán do mes. Ed. Xerais, 2006, páx. 12-13.