1134

"Ise lugar de Cudeiro

de lonxe parece vila,

se non foran os outeiros

que ten ó lado d´arriba."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 157

1133

"Quédate con Dios, Ourense,

co´as tuas ourensanas,

que me vou pr´a miña terra

d´as miniñas aldeanas."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 156

1132

"O que quixere bos mozos,

váyase a terra d´Orban;

non hai pelico de zorro,

que leve fanega de pan."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 156

1131

"O que quixere bos mozos,

váyase a terra d´Oseira;

hai-n-os de media polaina,

hai-n-os de polaina inteira."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 156

1129

"De Villamarín arriba

non vayas a namorar;

sonche criadas n-a serra,

non saben parrafear."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 156

1127

"Viva Toubes, viva Toubes

con tódo-los arredores,

terra de moita castaña;

vivan os apañadores!"

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 156

1126

"Viva Toubes, viva Toubes,

e tamén Villarubín,

viva Toubes, viva Toubes,

terriña donde eu nacín."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 156

1125

"Bótam´outra, bótam´outra,

qu´esa non-a apercibin.

Por baixo de Galiñeiras

está o lugar de Abedín."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 156

1122

"Aláa arriba n-o Olivar

hai unha pedra redonda,

onde se sentan os mozos,

cando van ver a Candonga."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 155

1121

"O lugarciño de Puga

de lonxe parece vila;

ten un loureiro n-a entrada,

e n-a salida unha oliva."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 155

1120

"Todo-los que vén a Puga

han de pagar ben o viño,

e se no queren esí,

que marchen po-lo camiño."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 155

1119

"Sardiñas frescas d´o mar,

quén che me dera un milleiro,

pantrigo de Ribadavia,

nenas d´o chan d´Amoeiro."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 155

1118

"Val mais unha d´Amoeiro

co´a sua saya de picote,

ca unha ducia d´o Ribeiro

con cen ducados de dote."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 155

1116

"Os soldados vanse, vanse,

vanse por Cudeiro arriba;

as rapaciñas d´Ourense

choran que cortan a vida."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 155

1113

"¡Ai que me doi a cabeza!

¡Ai que me doi a moleira,

de carrexar o estrume

alá de Pena Corneira."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 154

566

"Adios, ciudade d´Aurense,

nunca tí foras fundada!

A frorciña de Galicia

ehí che queda resellada."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 151

1006

"Eu heime d´ir ó Xurés

con estas miñas amigas,

hemos de botar un neto

y-hemos de comprar sardiñas."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 137

983

"Ont´e a noite fun á ronda,

pasei n-a costa d´as Antas;

o que rompin de zapatos,

tamen-o forrei en mantas."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 135

972

"Adios, cidade d´Aurense!

Adios, figueira d´os figos!

Nunca ch´estou mais contento

c´agora cos meus amigos."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 134

952

"A subil-a y-a baixal-a

a costiña de Canedo,

a subil-a y-a baixal-a,

perdín a cinta d´o pelo."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 123

836

"D´outro lado d´o río

ouvin cantar e chorei;

eran os meus amores

que iban para Monterrei."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 123

813

"D´outro lado d´o río

ouvin cantar e vin;

eran os meus amores

que iban para Verin."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 121

802

"Santa Marta d´Entrimo,

Santa Marta de Lobeira;

a muller que come a nata,

non pode ter a manteiga."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 120

775

"Pasei a ponte d´Ourense,

con ferriños e pandeiro,

no´encontrei mayor amigo

c´a bolsa c´o meu  diñeiro."

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 118

556

"Adios, Fondo de Vila,

que se vai Maria Antonia.

¿Quén ha d´abrir e cerrar

ventanas de Celanova?"

Literatura Popular de Galicia: colección de coplas, villancicos, diálogos, romances, cuentos y refranes gallegos. Orense, 1881. (Deputación Provincial de Ourense, 1987). Recollidos por D. Juan Antonio Saco y Arce. páx. 101

Detrás da néboa o felo (VI)

CINZA

"Arrostra o mar a máscara do día

cun xesto azul de clara escuridade.

A chuvia entre as pupilas, a saudade

levemente marfil xunta a avreguía.

Rosma o solpor febril, queda utopía

ancorada na cinza: exhausta idade

que se perde mordaz na inmensidade,

que se agocha baleira na ardentía.

O mar esculca o vendaval vizoso.

Co paraugas da man baila inconsciente.

Do chocallo, a harmonía, o seu saloma.

Simplemente vivir, grisáceo aroma,

requente sabor doce, aínda se sente

disfrazarse en Maceda o mar vidroso."

“Detrás da néboa o felo” de Alexandre Nerium (seudónimo de Francisco Manuel López Martínez, Fisterra-1960)

Ed. Amastra-N-gallar. Santiago de Compostela, 2014. páx 31. Edición non venal.

(Fonte: www.felosdemaceda.com)

Carguizoi, 23 de febreiro de 2019.

Detrás da néboa o felo (V)

"Este mar inundouse de promesas

case efémeras, túrbidas, convulsas

contra os flocos das ondas intanxíbeis.

O anzol retrovisor desta hipotermia

semella da gravata a cor das ascuas.

No autobús da saudade o alento proe

coa asfixia dunha nube desangrada,

coa carauta mordaz da caramuxa.

Segue a nevar o vento e o sono morre.

Detrás da néboa o felo a voz apaga."

“Detrás da néboa o felo” de Alexandre Nerium (seudónimo de Francisco Manuel López Martínez, Fisterra-1960)

Ed. Amastra-N-gallar. Santiago de Compostela, 2014. páx 27-29. Edición non venal.

(Fonte: www.felosdemaceda.com)

Carguizoi, 23 de febreiro de 2019.

Detrás da néboa o felo (IV)

"Sente a avidez dun xaramiño enfermo

golpeando das amuras o solsticio.

Podrece o tempo, absorto, na voráxine,

cara ás mitras sen luz e sen salouco

de aigas coas ás abertas, deslembradas.

Este caxato-mar xa non ten cura,

non volve guindar creba a estas coieiras

nin alpacas que agochen o infortunio,

tan só corpos comestos de gaivotas

e o salobre mentir da equidistancia."

“Detrás da néboa o felo” de Alexandre Nerium (seudónimo de Francisco Manuel López Martínez, Fisterra-1960)

Ed. Amastra-N-gallar. Santiago de Compostela, 2014. páx 23-25. Edición non venal.

(Fonte: www.felosdemaceda.com)

Carguizoi, 23 de febreiro de 2019.

Detrás da néboa o felo (III)

"Carantoña: Quizáis das carballeiras,

de cruel relasca ós ollos: mans desfeitas,

adoite o mar ser fume de palloza

de eterno buligar. Nalgún entroido

outro equinoccio arrostre a madrugada."

II

A MÁCARA DO MAR

"A máscara do mar ten ollos gacios.

Un sorriso de furna cada tarde

sostén na comisura o precipicio.

O acantilado afirma a súa ollada

desminte o que pasou ás sete vagas."

“Detrás da néboa o felo” de Alexandre Nerium (seudónimo de Francisco Manuel López Martínez, Fisterra-1960)

Ed. Amastra-N-gallar. Santiago de Compostela, 2014. páx 17-21. Edición non venal.

(Fonte: www.felosdemaceda.com)

Carguizoi, 23 de febreiro de 2019.

Detrás da néboa o felo (II)

"Pelicas de raposa, aigas en mitras,

brancos mouchos de endexamais regreso

cara á terra. Coa noite o val esperta

baixo as uces. No seu voar a anguria

cuberta de nostalxia e de xeada.

Treme coa dor o fustigar da orixe.

Ataviar de alamares a inconsciencia.

Núa abordaxe da cinzarra: o orballo.

Abofé que o solpor a cor camufla.

E a vaga da soidade o ardor acada."

“Detrás da néboa o felo” de Alexandre Nerium (seudónimo de Francisco Manuel López Martínez, Fisterra-1960)

Ed. Amastra-N-gallar. Santiago de Compostela, 2014. páx 13-15. Edición non venal.

(Fonte: www.felosdemaceda.com)

Carguizoi, 23 de febreiro de 2019.

Detrás da néboa o felo (I)

I

RONSEL DOUTRA ARRIBADA

"Detrás da néboa o felo: abica o medo

escorrentando a ingravidez do día.

Novamente outro abismo, outra derrota:

cabelos de muller feitos sedelas

sentindo do ollomol a súa trabada.

Morno brúa o remorso entre os piornos.

Tralo tanxer a adversidade axexa.

Sen nada que escoitar voga o silencio.

Poida que sexa o son a interrogante.

É o esquital ronsel doutra arribada?"

“Detrás da néboa o felo” de Alexandre Nerium (seudónimo de Francisco Manuel López Martínez, Fisterra-1960)

Ed. Amastra-N-gallar. Santiago de Compostela, 2014. páx 9-11. Edición non venal.
(Fonte: www.felosdemaceda.com)

Carguizoi, 23 de febreiro de 2019.