Xosé Ramón Mariño
Ferro no seu libro do ano 2007 presenta unha información nova e sorprendente e
que influirá na visión que a partir dese momento se ten da personaxe, xerando
textos literarios e producións visuais cun novo enfoque. Mariño Ferro descobre
que na partida de nacemento de Romasanta existente no libro de bautizados da
parroquia de Santa Olaia de Esgos (da que por certo existen dúas versións, xa
que os datos dos últimos bautizados do libro repítense nun novo libro aberto a
principios do século XIX). Alí aparece baixo o nome de “Manuela”. Aos quince
anos, na folla de confirmación, aparece xa co nome masculino. Descartado un
posible erro e outras opcións que explica o autor no seu libro, a hipótese que
defende é a seguinte: unha alteración sexual grave coñecida como
hermafroditismo. Individuos ambiguos que
non desenvolven correctamente a diferenciación sexual cando aínda son embrións.
Os xenitais nos neonatos presentan un aspecto tan ambiguo que non sorprende
puideran ser rexistrados como homes ou como mulleres. Na puberdade poden
evolucionar de xeito imprevisible. Todo parece apuntar que a nena Manuela foi
adquirindo, co tempo, carácteres masculinos.
O seu
comportamento, excesivamene efeminado
para a época, e o seu corpo con marcados trazos femininos (pequena estatura,
modais amaneirados) xustificaríanse por esta razón. Tamén podemos recordar que
no cárcere vestirá muradana e cubrirá a cabeza cun pano.
No hay comentarios:
Publicar un comentario