Roberto Bustillo,
seguindo a José Domínguez, indaga na posibilidade de novas explicacións. Dúas
dúbidas o levan a continuar buscando hipóteses: ¿por que todos os asasinados
pertencen a dúas familias? ¿por que se toma ese descanso de tres anos sen
actividade criminal? Calquera das explicacións máis lóxicas presentan
obxeccións para dar resposta a estas preguntas. Francisco Pérez Abellán nega a
posibilidade do móbil económico e violento: os delincuentes que habitualmente
matan para roubar son persoas especialmente violentas. Mataba e roubaba, pero
nin estaba tolo nin mataba para roubar.
A hipótese de
Bustillo fala dunha primeira morte, a nena Petra, producida de xeito fortuíto
ou doloso, debido a un posible episodio de violencia doméstica puntual ou a un
máis probable episodio de arrebato sexual que remata con agresión e morte. E a
partir de aí unha especie do “bóla de neve” que o levan a ir matando familiares
nun intento de non ser descuberto. O segundo período de crimes podería
iniciarse por avaricia ou necesidade económica, esta vez si, e despois
novamente procedería nun intento de ocultar esa morte.
No hay comentarios:
Publicar un comentario