La Noce

Terre de Brume, 2007

"Du temps où j´étais petit enfant, les braves gens parlaient encore de l´affaire dans la ville d´Auria, là où je suis né et où les faits se sont déroulés. Ils racontaient la chose de bien différentes façons, mais leurs versions finissaient néanmoins par coïncider pour la fin, qui était toujours la même."

                                      (páx. 13 da traducción ao francés de A Esmorga)

Traducida por: Vincent Ozanam

Portada: Studio Paola Fava Design

La Folixa

Editora del Norte, Mieres, 1996

"De la que yo yera tovía mui mozu, siguía falándose del casu ente la bona xente d´Auria, ciudá onde fui nacíu y onde les coses asocedieren. El casu cuntábase de munches maneres pero toes veníen a casar nel acabu que siempre yera´l mesmu."

                                   (páx. 9 da edición traducida ao asturiano de A Esmorga)

Traducida por Xosé Miguel Suárez

Portada de F.V. Olivar

La Parranda

Ed. Trea, 2001, Gijón

"Cuando yo era todavía un muchacho, seguía hablándose del asunto éste entre las gentes de Auria, ciudad donde nací y donde los sucesos ocurrieron. Se contaba de muchos modos, y las coincidencias no casaban más que al final, que en todos era el mismo"

                          (páx. 15 da traducción ao castelán de A Esmorga)

Ilustración da portada: "Interior de chigre" de Evaristo Valle

(Museo Evaristo Valle) 

A Esmorga (1959)

Esta novela de Eduardo Blanco-Amor representa a obra máis importante na que a cidade de Ourense adquire protagonismo principal. A novela representa unha viaxe pola cidade de Auria de tres personaxes -O Bocas, o Milhomes e o Cibrán- que nunha noite de esmorga recorrerán gran parte das rúas de Ourense creando un universo literario arraigado para sempre na cidade.

A obra foi publicada por primeira vez no ano 1959 en Buenos Aires na editorial Citania e constitúe a primeira novela en galego do seu autor. A súa importancia é capital dentro da historia da literatura galega xa que inicia a narrativa moderna na nosa lingua.

 

Primeira edición con portada de Luís Seoane

Auria, unha cidade para camiñar

Ruta literaria pola cidade de Auria (Ourense) seguindo o percorrido que o Cibrán, o Milhomes e o Bocas fan na novela  A Esmorga (1959) de Eduardo Blanco-Amor.
  
TRAMO 1: “A CASUPA DA RAXADA”: Pazo dos deportes – As Burgas    40-50 minutos

TRAMO 2 : “O GRANDE PAZO DOS SEÑORES DO CASTELO”  As Burgas – Xardín do Posío                     1 hora e 45 m. – 2 horas e 15 m.

TRAMO 3: “A CASA DA NONÓ”: Xardín do Posío - Praza de Alférez Provisional 45m – 1h

TRAMO 4: “A DONA DOS ANDRADA”: Praza de Alférez Provisional – Ponte Romana    40 – 50m

TRAMO 5: “DE SOCORRITO, A TOLA”:  Ponte Romana – outras cidades invisibles, ou de novo Auria.  Tempo: todo o que desexemos

  

Ruta de A Esmorga do Concello de Ourense  en 8 paradas (só polo casco vello)

Eduardo Blanco Amor (1897-1979)

Blanco-Amor por J.Valcárcel, 2009

Un dos máis grandes escritores ourensáns e, sen dúbida, o mellor representante do universo literario de Ourense é Eduardo Blanco Amor, quen escribiu a obra máis significativa que ten como protagonista a nosa cidade: A Esmorga (1959), e aportou o topónimo literario por excelencia: Auria.

Blanco-Amor naceu en Ourense o día 8 de setembro de 1897 e nesta cidade residiría ata 1919, ano no que emigra a Arxentina. Volverá  en distintas ocasións (1929, 1933, 1957) e a partir de 1962 instalarase definitivamente en Galicia, repartindo a súa estadía entre Vigo e Ourense, con escapadas máis ou menos longas a Madrid, Sevilla e Barcelona. Morreu en Vigo o 1 de nadal de 1979 dun ataque ao corazón. Está enterrado no cemiterio de San Francisco de Ourense, só unha bufanda esculpida en ferro identifica a súa tumba.

Toda a súa narrativa xira arredor da cidade de Auria: La catedral y el niño (1948), Los miedos (1961), Os Biosbardos (1962), A Esmorga (1959) e Xente ao lonxe (1972).

Bibliografía: A obra literaria de Eduardo Blanco Amor de Xavier Carro, ed. Galaxia, 1993
Imaxe: Óleo e collage sobre lienzo de Juan Valcárcel, 2009, 80x60 (Biblioteca da diputación provincial de Ourense) Extraída de: http://jvalcarcel.es/2010/imagenes/taller/eduardo-blanco-amor.gif