O premio Nóbel Rabindranath Tagore nunca visitou España, nin por suposto
Ourense, máis Auria visitou a Tagore con certa frecuencia, e até hai ben pouco na nosa cidade atopábase a
maior biblioteca do mundo sobre o escritor indio.
 |
| Tagore dibuxado por Risco |
7 de maio de 1861: nace Rabindranath
Tagore, no número 6 da rúa Dwarkanath Tagore, en Jorasanko,
Calcuta (India).
30 de setembro de 1884: nace Vicente Risco en Ourense, no piso 1º da rúa
da Paz, antiga rúa dos Zapateiros.
10 de decembro de 1913: Rabindranath Tagore recolle o
Premio Nóbel de Literatura. Era o primeiro escritor non europeo en recibilo.
7 de marzo de 1914: Vicente
Risco nunha charla no Ateneo de Madrid será o primeiro en falar de Tagore en
público (só unhas pequenas referencias apareceran con anterioridade na prensa) e
de verter ao castelán, tamén por vez primeira, algúns poemas das súas
traducións inglesas do “Gitánjali” e de “”The gardener”.
 |
| Risco dibuxado por DÃaz Pardo |
Outubro de 1917: Vicente
Risco publica na revista ourensá La Centuria (nº5) un texto sobre Rabindranath
Tagore e traduce ao castelán tres novos poemas do libro Gitánjali .
10 de maio de 1918: Aparece por vez primeira, na revista “A Nosa
Terra”, un poema de Tagore, pertencente ao libro “Fruit Gathering”, traducido ao galego por Vicente Risco. Ao
longo dos seguintes sete anos irán aparecendo novas traducións galegas dos
textos tagoreanos.
Xuño de 1930: en BerlÃn, no Kronprinzenpalais, Vicente Risco asistirá a unha charla de Tagore. Fará un retrato de el. As impresións daquel encontro publicaranse na Revista "Nós" (1932) e logo no seu libro Mitteleuropa (1934).
1948: nace Xosé Paz RodrÃguez no pobo de Corna, Piñor de
Cea.
1964: comeza Xosé Paz a formar a súa biblioteca sobre
Rabindranath Tagore. “Gora” e “O naufraxio” son os dous primeiros libros,
regalos da súa dona. A maiorÃa, nos primeiros anos, compraraos na librerÃa do Clemente, na rúa do
Progreso.
2001: Xosé Paz viaxa por vez primeira a Shantiniketan, a
escola de Tagore na India, e comezan as súas viaxes con regularidade ao paÃs de
Tagore. Alà fundará a Casa Galega da India.
Do 1 ao 9 de outubro de 2010: O Festival de cine independente de
Ourense (OUFF) rinde homenaxe a figura de Rabindranath Tagore, coincidindo cos
150 anos do seu nacemento. Prántase unha árbore na súa honra nas inmediacións
do centro comercial Ponte Vella.
7 de maio de
2011: presentouse oficialmente, coincidindo co 150 aniversario do nacemento de
Tagore, na
Sociedade Filatélica Miño, a petición do pedagogo tagoreano José Paz, un
sello e matasellos.
14 de novembro 2013: data na que 100 antes se anunciaba a concesión
do premio Nobel a Tagore, a Sociedade Filatélica Numismática e VitofÃlica Miño
da cidade de Ourense, presentaba un sello sobre Tagore.
3 de maio de 2014: Xosé Paz cede, definitivamente, a súa biblioteca
de máis de 30.000 volúmenes, a máis importante do mundo sobre Tagore, á Casa da
India de Valladolid. Unha perda imperdonable e irreparable para a cidade de
Auria. Levaba anos ocupando varios baixos das GalerÃas Roma, na rúa do
Progreso.
1 de xullo de 2016: coincidindo co "parrafeo" 1000, o blog de “Auria,
cidade literaria” inicia a publicación dunha serie de "parrafeos" especiais sobre a relación do Premio
Nobel Rabindranath Tagore e a cidade de Ourense.
No hay comentarios:
Publicar un comentario