“Catalina lembraba
que Manuel comentara algo sobre aquela débeda. Blanco Romasanta mandara o seu
irmán co diñeiro para facer o pago. Como puidera matar entón un alguacil por
algo así? A resposta tamén lla forneceu o pomposo avogado. Ao parecer, Vicente
Fernández fixera unhas pescudas, que logo acabaron saíndo nas actas do xuízo e
que inducían a pensar que o tal Blanco puidera asasinar tamén a outro vendedor
ambulante chamado Manuel Ferreiro de Xinzo da Costa, así como un par de mozas
nos arredores de San Martiño. Segundo as evidencias presentadas ante o xuíz, en
todos os casos Manuel Blanco estivo no lugar en que se atopaban as vítimas o
día ou os días próximos ás súas mortes.”
No hay comentarios:
Publicar un comentario