"Porter tivera a xenial idea de pasar a tarde nas piscinas de Oira e traizoar as longas sonecas deitados na Praia da Antena, pero alí non se paraba nin á sombra dos ameneiros. Uns rapaces xitanos, todos moi fibrosos e bronceados, andaban ás carreiras preto das nosas toallas e logo pegaban uns chimpos tremendos, escachando de risa. Algúns corrían coma condenados ata a piscina e tirábanse en prancha, pegando unhas lombeiradas colosais."
Diego Ameixeira, O cidadán do mes. Ed. Xerais, 2006, páx. 12.
No hay comentarios:
Publicar un comentario