"-Ricardo, non te pases. Que o rapaz é de San Francisco -Xaquín quixo resultar gracioso.
-Chámome Dopico. Horacio Dopico. Son detective privado e estou buscando a Gonzalo Casasnovas, se vostede mo permite.
-Xa lle dixen que non traballa aquí.
-Escoiteino perfectamente, mais se cadra vostede podería axudarme a atopalo. Hai xente que está interesada en saber onde raio se mete ultimamente."
Diego Ameixeira, O cidadán do mes. Ed. Xerais, 2006, páx. 36.
No hay comentarios:
Publicar un comentario