"Todo empezou cunha calor asfixiante e cunha loura perigosa que non deixaba de mirarme con cara de vicio. Daquela abandonara a mala vida por imperativos médicos, máis non podía impedir que o resto da miña existencia se reducise a un estado de sede permanente. Aquela muller transmitía tanta carnalidade que con só mirala aos ollos pareceume respirar a gozosa fragrancia dunha barbacoa.
-Esta tía estame buscando. Non aguanto máis.
-Xa che dixen que hai que manter a calma, Horacio. (...)
-Esas tetas non son deste mundo -proclamei.
-Digamos que as dúas son da Cruz Alta. Téñoas visto polo barrio cando vou cumprir coa Charo -corrixiume Porter."
Diego Ameixeira, O cidadán do mes. Ed. Xerais, 2006, páx. 11.
No hay comentarios:
Publicar un comentario