Mais alguén nos vixiaba

"Aínda non recuperado da impresión, e sen acabar de entender o que viramos, os catro seguimos camiño cara o río, pola rúa do Progreso. Pero cando iamos pola praza do Bispo Cesáreo advertimos algo sospeitoso. Ao comezo non nos demos conta, mais alguén nos vixiaba. Un home alto tapado coa carapucha dun chándal gris e cunhas lentes de sol viña tras de nós."

Ramón Caride, O Capitán Aspanitas e o misterio das Burgas, ed. Xerais, xaneiro 2013, páx.21