“Pola cara que pos xa vexo que
non sabes nada. Moita Internet e
moito Twitter e todas esas lerias e
non sabedes nada do que pasa no mundo. Pois fixéronse películas sobre o
lobishome de Allariz e congresos para estudar o seu caso e mesmo teses de
doutoramento. Nas feiras da época corría a súa historia en coplas e cantares de
cego: Manuel Blanco Romasanta, o home lobo de Allariz, unha fonte de
inspiración para escritores, psicólogos, criminólogos, xuristas, etnógrafos,
criptólogos... Porque non é só que asasinase tantas mulleres e nenos, o caso é
que o facía sen querer, vítima dunha maldición que facía que nas noites de lúa
se convertese en lobo e correse por eses montes á par doutras feras á busca de
humanos. E cando atopaba algún, saltaba sobre el e desfacíao a dentadas. Un
auténtico licántropo, coma os das lendas, esas nas que non cres.”
No hay comentarios:
Publicar un comentario